SËMUNDJET QË TRAJTOHEN ME QELIZA STAMINALE

Garanci për të ardhmen

Ndarja e terapive sipas marrësit të transplantit:

Autologe – pacienti merr qelizat e veta staminale, të mbledhura në lindje. Nuk mund të përdoret në rastet e sëmundjeve të trashëguara, pasi qelizat staminale mbartin të njëjtin material gjenetik.

Alogjenike – pacienti merr qeliza staminale nga një dhurues, i cili mund të jetë vëllai/motra, një i afërm tjetër ose një dhurues pa lidhje familjare. Në të gjitha këto raste është e nevojshme të kryhet tipizimi HLA i indeve dhe të krahasohet përputhshmëria midis marrësit dhe dhuruesit të qelizave staminale.

Ndarja e terapive sipas sëmundjeve:

Terapi standarde
Terapi rigjeneruese
Studime klinike

Terapitë standarde

Në trupin tonë, palca e kockave është burimi i të gjitha qelizave të gjakut. Në palcën e kockave ndodhen qelizat staminale hematopoietike, të cilat prodhojnë vazhdimisht qeliza të reja të gjakut dhe zëvendësojnë qelizat e dëmtuara ose të shkatërruara.

Nëse palca e kockave dëmtohet nga një sëmundje ose nga disa barna, ajo nuk është më në gjendje të prodhojë këto qeliza të domosdoshme të gjakut, gjë që çon në sëmundje serioze. Për këtë arsye, qelizat staminale hematopoietike zëvendësohen me të reja.

Kjo realizohet përmes transplantimit të palcës së kockave, pra transplantimit të qelizave staminale. Gjaku i kordonit umbilikal është burimi më i mirë i qelizave staminale për këtë lloj transplanti.

Terapitë rigjeneruese

Përveç palcës së kockave, qelizat staminale kanë aftësinë të rigjenerojnë edhe inde dhe organe të tjera.

Suksesi më i madh është arritur në trajtimin e sëmundjeve të mëposhtme:

Autizmi; Paraliza cerebrale; Goditja në tru; Dëmtimet e shtyllës kurrizore;

Skleroza multiple; Skleroza laterale amiotrofike;

Gonartroza; Diabeti; Atrofia e nervit optik;

Shenjat në lëkurë; Rënia e flokëve.

Studime klinike

Aktualisht, në mbarë botën po zhvillohen rreth 7.000 studime klinike me qeliza staminale. Janë duke u studiuar shumë sëmundje për të cilat qelizat staminale mund të ndihmojnë, ndërsa më së shumti po hulumtohen këto:

Sëmundja e Alzheimerit
Sëmundja e Parkinsonit
Dëmtimet e trurit
Lupusi eritematoz
Sëmundja e Crohn-it
Ekzema
Psoriaza
Artriti reumatoid
Koliti ulceroz
Pamjaftueshmëria e zemrës pas infarktit
Plakja e organizmit
Sindroma e distresit respirator akut
Disfunksioni erektil
Cirroza e mëlçisë
HIV
Plagët kronike

Shembuj të terapive me qeliza staminale

Lista e sëmundjeve